რატომ ტექნოლოგიები სწავლა-სწავლების პროცესში?

განსხვავებული უნარების მქონე ადამიანები გვჭირდება მსოფლიო დინამიურად იცვლება,განათლების მომავლის წინასწარმეტყველება უფრო და უფრო ძნელდება
ტექნოლოგიები - მიზეზი და საშუალება სკოლის წარმატებული ტრანსფორმაციის შესაძლებლობა სწორად დანერგილ საგანმანათლებლო ტექნოლოგიებს მოსწავლეთა მიღწევების გაუმჯობესება შეუძლია. სწორად დანერგილი საგანმანათლებლო ტექნოლოგიები ეკონომიკური შემოსავლის წყაროა ყველა დონეზე - ეროვნული თუ ადგილობრივი. კომპიუტერულ მოწყობილობებზე მოსწავლეების მუდმივ წვდომას მივყავართ მზარდ აკადემიურ მიღწევებამდე და ფინანსურ სარგებლამდე, განსაკუთრებით თუ ეს ტექნოლოგიები სწორადაა დანერგილი.

რატომ შებრუნებული საკლასო ოთახი?

- რა არის შებრუნებული საკლასო ოთახი
- რა განსხვავებაა ტრადიციულსა და შებრუნებულ საკლასო ოთახს შორის
- რა შედეგებს გვაძლევს შებრუნებული საკლასო ოთახის დანერგვა

ტრადიციული საკლასო ოთახი

• საკლასო ოთახში - ახალი მასალის გაცნობა
• საშინაო დავალება - ახალი მასალის განმტკიცება

შებრუნებული საკლასო ოთახი

• საშინაო დავალება - ახალი მასალის გაცნობა
• საკლასო ოთახში - ახალი მასალის განმტკიცება

რატომ ტექნოლოგიები სწავლა-სწავლების პროცესში?


მოსწავლეზე ორიენტირებული სწავლება
მასწავლებლის როლი მთლიანად იცვლება. ტრადიციულ საკლასო ოთახში სწავლის პროცესი მიმდინარეობს დაფის წინ, სადაც მასწავლებელი დგას. ზოგ შემთხვევაში, დაფა შეიცვალა პროექტორის ეკრანით, თუმცა მასწავლებელი კვლავ წინ დგას, პროექტორთან და სასწავლო პროცესიც ეკრანის წინ მიმდინარეობს.
შებრუნებულ საკლასო ოთახში სწავლის პროცესი კლასშია გადატანილი. მასწავლებელი იმის მაგივრად, რომ მერხების წინ იდგეს და ინფორმაციას გადასცემდეს მოსწავლეებს, რიგებში დადის და ეხმარება მათ ინდივიდუალური საჭიროებებიდან გამომდინარე, პატარა ჯგუფებს უძღვება, მეტად მუშაობს იმ მოსწავლეებთან რომლებსაც უჭირთ.
(სმარტბორდს კიდებენ არა მერხების წინ, დაფის ადგილას, არამედ გვერდით კედელზე. რომ ის ნამდვილად მოსწავლის სასწავლო ინსტრუმენტი იყოს და არა მასწავლებლის :)).


დიფერენცირებული სწავლების რეალური შესაძლებლობა
შებრუნებული საკლასო ოთახი გულისხმობს ყურადღების მიმართვას მასწავლებლიდან მოსწავლეზე და სწავლაზე.
განათლების სისტემა ინდუსტრიული რევოლუციის მოდელზეა მორგებული. თანამედროვე მიდგომები სწავლის დიფერენცირებაზეა ორიენტირებული. თუმცა, მასწავლებლებისთვის ძალიან რთულია სწავლის ინდივიდუალიზება 150 მოსწავლისთვის. ამიტომ, ისინი ცდილობენ რაც შეიძლება მეტი კონტენტი მისცენ მოსწავლეებს გამოყოფილ დროში, და იმედოვნებენ ეს ინფორმაცია რაც შეიძლება მეტ სტუდენტს მიუვა და დაელექება გონებაში. კვლევების მიხედვით ამ, ტრადიციული მეთოდით მოსწავლეების მხოლოდ 20% ეუფლება კონტენტს.
შებრუნებული საკლასო ოთახის სტრუქტურა მოსწავლის ინდივიდუალურ შესაძლებლობებზე მორგების საშუალებას იძლევა, რომ ყველა მათგანმა საკუთარი ტემპით იმუშაოს.


შინაარსის ღრმად წვდომა
შებრუნებული საკლასო ოთახი „აიძულებს“ მოსწავლეებს რომ ისწავლონ/გაიაზრონ თემა, და არა უბრალოდ დაიმახსოვრონ ინფორმაცია.
მასწავლებელი მოსწავლეს აცნობს სასწავლო მიზნებს და აწვდის რესურსებს, რომელიც საჭიროა ამ მიზნების მისაღწევად. მოსწავლემ უნდა დაამტკიცოს რომ მიზანს მიაღწია. თუ მოსწავლე ვერ აჩვენებს, რომ პროგრესს განიცდის, მასწავლებელი „დახმარების გეგმას“ ადგენს ადგილზევე.
მოსწავლეებს ცოდნის კონსტრუირების დროს სხვადასხვა დონის დახმარება სჭირდებათ. ზოგ მოსწავლეს მასწავლებელი საშუალებას აძლევს „იწვალოს“, მარტო ტოვებს რომ „ებრძოლონ“ რთულ კონცეფციებს, (სამაგიეროდ უფრო ღრმად ჩაწვდებიან). დანარჩენებს სტრუქტურირებულ დახმარებას უწევს. მოსწავლეს შეუძლია უკან დაბრუნდეს და ხელახლა ისწავლოს ის რაც გამოტოვა. შესაძლოა: ვიდეოს ყურება განმეორებით, სახელმძღვანელოდან ტექსტის წაკითხვა, დამატებითი ინტერნეტ რესურსის გაცნობა, ან უბრალოდ შესაძლოა მასწავლებელმა ხელახლა აუხსნას საკითხი.
კვლევების მიხედვით ამ პრინციპით ძირითად კონტენტს მოსწავლეების 80% დაეუფლება.


მოსწავლე თავისი ბუნებრივი რიტმით სწავლობს
მასწავლებელი ტრადიციულ კლასში ზოგისთვის სწრაფად ხსნის, ზოგისთვის ნელა. ვიდეო საუკეთესო საშუალებაა ყველამ თავის ბუნებრივ რითმზე მოირგოს სწავლის პროცესი, მოსწავლეებს შეუძლიათ ვიდეოს სიჩქარის გაზრდა ან წინ გადახვევა მარტივი საკითხების გამოსატოვებლად, და პირიქით დაპაუზება ან უკან გადახვევა ბუნდოვანი საკთხების ხელახა მოსასმენად/გასააზრებლად.


მოქნილი დრო მოსწავლეებისთვის
გაკვეთილის გაცდენა და ამის გამო მასალაზე ჩამორჩენა პრობლემა აღარაა. მოსწავლეები ვიდეოდან სწავლობენ ახალ მასალას. ეს ეხმარება დაკავებულ მოსწავლეებსაც, მაგ., ოლიმპიადებში ან სხვა ტიპის კონკურსებში მონაწილეობის გამო მასალას აღარ ჩამორჩებიან. კარგია ასევე, მოსწავლეებისთვის რომლებიც შორს ცხოვრობენ და გაცდენა უწევთ (მაღალმთიან რეგიონებში).


მოსწავლე სწავლობს დროის მართვას
მოსწავლეს იძენს დროის მართვის მნიშვნელოვან უნარს, როგორ შეარჩიოს პრიორიტეტები და მართოს თავის დრო. მაგ. თუ იცის რომ რაღაც პერიოდი სკოლა გაუცდება, შეუძლია წინასწარ გაიაროს მასალა.


მოსწავლე ხდება Independent learner, სწავლობს როგორ ისწავლოს


დროისა და რესურსის ეფექტური გამოყენება მასწავლებლის მხრიდან
მასწავლებელს აღარ სჭირდება, რვეულები წაიღოს სახლში დამოუკიდებელი სამუშაოს გასასწორებლად, აღარც მოსწავლეს სჭირდება შეფასებაზე ლოდინი. მასწავლებელს დრო აქვს გაკვეთილზევე შეამოწმოს დამოუკიდებელი სამუშაოები, შეაფასოს რა გაიგო მოსწავლემ და რა ვერა. მოსწავლე მაშინვე არკვევს რა საკითხზე „გაიჭედა“ და მასწავლებლისგან შემდეგ დავალებას იღებს შესასწორებლად. თუ შესრულებული დავალებით გამოიკვეთა რომ მოსწავლე ფლობს ამ საკითხს, შემდეგ საფეხურზე გადადის.


მეტი დრო „სუსტი“ მოსწავლეებისთვის
როგორც წესი, ზოგ მოსწავლეს შედარებით უჭირს კონკრეტული საკითხების გაგება. მასწავლებელი ასეთ მოსწავლეებთან მეტ დროს ატარებს პატარა ჯგუფებში, შესაძლოა დააჯგუფოს ასეთი მოსწავლეები ერთად და ხელახლა აუხსნას/განიხილოს საკითხი, სანამ სხვები დამოუკიდებლად ასრულებენ სავარჯიშოს.


სპეციალური საჭიროებების მქონე მოსწავლეების ჩართვის მეტი შესაძლებლობა
მასწავლებელს მეტი დრო დარჩება სპეციალური საჭიროებების მქონე მოსწავლესთან ინტერაქციისთვის
მასწავლებელი-მოსწავლის ინტერაქცია იზრდება
მასწავლებელს შეუძლია უკეთესად განსაზღვროს მოსწავლის შესაძლებლობები, ვინაიდან მეტი დრო აქვს მათთან ინტერაქციისთვის. მასწავლებელს უფრო ტუტორის როლი აქვს. მოსწავლეები აცნობიერებენ, რომ მასწავლებელი იქ არის მათ დასახმარებლად. რომ მასწავლებლის მიზანია საფუძვლიანად გააგებინოს კონტენტი გაკვეთილზე, და რამდენადაც შესაძლებელია საუკეთესო „მსწავლელად“ ჩამოაყალიბოს ისინი.


მასწავლებელს მეტი ინფორმაცია აქვს ინდივიდუალურ მოსწავლეზე
გაკვეთილზე გამოთავისუფლებული დრო და გაზრდილი ინტერაქცია მასწავლებელს უფრო მეტ ინფორმაციას აწვდის თითოეულ მოსწავლეზე, მითუმეტეს „გადაჭედილ“ საკლასო ოთახებში


მოსწავლეებს შორის ინტერაქცია იზრდება
მოსწავლეები მეტად ეხმარებიან ერთმანეთს. მოსწავლეები ავტომატურად ერთიანდებიან ჯგუფებად, ან მასწავლებელი სპონტანურად აჯგუფებს მათ სტრატეგიულად, მაგ. მოსწავლეები რომლებსაც ერთი და იგივე კონტენტის გაგება გაუჭურდათ. მოსწავლეები აცნობიერებენ რომ გუნდში უკეთესად მუშაობენ ვიდრე მარტო, მოსწავლეებს შორის თანამშრომლობა იზრდება (21-ე საუკუნის უნარებზე გავდივართ). მოსწავლეები იმის მაგივრად, რომ მთლიანად მასწავლებელზე იყვნენ დამოკიდებული, როგორ ცოდნის გავრცელების ერთადერთ წყაროზე, ერთმანეთისგან სწავლობენ, ერთმანეთს მიმართავენ დასახმარებლად.


თანატოლთა განათლებისთვის (peer couching) ბუნებრივი გარემოა
ეს პროცესი ბუნებრივად იძლევა გარემოს თანატოლთა განათლების ხელშესაწყობად. კვლევების მიხედვით ეს მძლავრი ინსტრუმენტია სწავლის პროცესში.


კლასის მართვა უმჯობესდება
პრობლემა დისციპლინარული გადაცდენების მქონე მოსწავლეებთან, რომლებიც სხვა მოსწავლეებსაც „აცდენდნენ“ ავტომატურად ისპობა. ვინაიდან გაკვეთილის პერიოდი აქტივობების შესრულებით ან ჯგუფური სამუშაოებით არის დაკავებული. ასეთ მოსწავლეებს „აუდიტორია“ აღარ ყავთ, ან უბრალოდ ჩართულები არიან და მოსაწყენად დრო არ აქვთ.
ასევე, თუ მასწავლებელმა იცის რომ რაღაც პერიოდით სკოლის გაცდენა უწევს, წინასწარ იწერს გაკვეთილის მასალას და უტოვებს შემცვლელ მასწავლებელს. შემცვლელი მასწავლებელი პროექტორზე უშვებს ვიდეოს და კლასს აყურებინებს. ამგვარად, მასწავლებელი დარწმუნებულია, რომ ახალი მასალა ზუსტად ისე იქნა მიწოდებული, როგორც ეს მას სურდა.


მშობლებლთან ურთიერთობა იცვლება
მშობლების ჩართულობა იზრდება, ვინაიდან მათ საშუალება აქვთ უყურონ ვიდეოს და შვილებს დაეხმარონ.


საკლასო პროცესი გამჭვირვალე ხდება
ყველამ იცის რა ხდება კლასში, სკოლის პოპულარიზებისთვისაც სასარგებლოა.


„თამაშის“ პრინციპი
მოსწავლეები, რომლებიც სწრაფად აითვისებენ მასწავლას, შეუძლიათ წინ წავიდნენ, ახალ თემაზე გადავიდნენ, ან უფრო რთული დავალებები შეასრულონ. როგორც წესი ძალიან მოსწონთ, როდესაც სხვებზე წინ არიან (შეჯიბრებითობა).
„თამაშის“ ელემენტია ამ პროცესში. სანამ ერთ „დონეს“ არ დაეუფლები, შემდეგზე ვერ გადადიხარ. (ეს თამაშით სწავლების ძლიერი მხარეა).


ტექნოლოგიების მიზანმიმართული გამოყენება
მოსწავლეებს ხშირად გაცილებით უფრო მძლავრი მანქანა უდევთ ჯიბეში, ვიდრე სკოლის მოძველებული კომპები და ჩვენ არ ვაძლევთ მათი გამოყენების საშუალებას.

მოსწავლეებს ციფრული გარემო ბუნებრივი გარემოა (განსხვავებით მასწავლებლებისგან), ანუ შებრუნებული საკლასო ოთახი ნიშნავს რომ მათ ენაზე ელაპარაკები.









შებრუნებული საკლასო ოთახი არ გულისხმობს მხოლოდ ვიდეოს ჩაწერას და გამოყენებას, შესაძლებელიია ასევე ელექტრონული წიგნების, საპრეზენტაციო ფაილის, ტექსტური ინფორმაციის, აუდიო ფაილის, ინტერნეტ რესურსების გამოყენება. მთავარია რომ, ახალ მასალას მოსწავლე გაეცნოს სახლში და მისი განმტკიცება მოხდეს სკოლაში, მასწავლებელთან ერთად.

რა სჭირდებათ მოსწავლეებს რომ წარმატებას მიაღწიონ?

• მოსწავლეების მოტივირება
• სახლში სწავლისთვის ხარისხიანი კონტენტით უზრუნველყოფა
• მოსწავლეზე ორიენტირებული, მაგრამ სტრუქტურირებული საკლასო გარემოს შექმნა

როგორ იქმნება ვიდეო გაკვეთილი

1. გაკვეთილის დაგეგმვა აუცილებელია, ზუსტად განსაზღვროს მასწავლებელმა რა სასწავლო ამოცანის გადასაჭრელად, რა საკითხზე ჩაიწერს ვიდეოს.მნიშვნელოვანია, მასწავლებელმა კარგად დაგეგმოს რისი ჩაწერა უნდა.
2. ვიდეოს ჩაწერა:
- უკვე არსებული მასალა
- ახალი მასალის დამუშავება
ზოგ მასწავლებელს მოსწონს,როდესაც ტექსტი ან გეგმა წინასწარ დაწერილია, თუმცა გამოცდილი მასწავლებლები რეკომენდაციას უწევენ ვიდეოს ჩაწერას წინასწარ მომზადებულიტექსტისგარეშე, ვინაიდან: ა) უფრო მეტი იმპროვიზების საშუალება გექნებათ, და თან სლაიდშოუ ფაქტობრივად უკვე წარმოადგენს გეგმას, ბ) სპონტანურობას და შემოქმედებითობას დააზარალებს წინასწარ შედგენილი ტექსტი.

ჩანაწერი უნდა იყოს უფრო სასაუბრო ფორმის, და ნაკლებ ფორმალური.
3. ვიდეოს რედაქტირება
გამოცდილიმასწავლებლები საკმაო დროს უთმობენ ვიდეოების რედაქტირებას. ასე შეუძლიათ შეცდომები გადაასწორონ, იმის მაგივრად რომ თავიდან ჩაწერონ ვიდეო. ვიზუალურ ეფექტს ამატებენ ვიდეოს, რომ უფრო გასაგები გახადონ მოსწავლეებისთვის. რედაქტირებაიძლევავიდეოს, სურათის ან საპრეზენტაციო ფაილის ჩამატების, სურათების რედაქტირების, ეკრანის გაზრდადაპატარავებისსაშუალებას, იმის მიხედვით რაზე უნდა მასწავლებელს ყურადღება გაუმახვილოს მოსწავლეს და ა.შ..

4. ვიდეოს გამოქვეყნება
მასწავლებელმა წინასწარ უნდა განსაზრვროს სად აქვეყნებს ვიდეოს ონლაინში, ან ბუკში როგორ უწერს მოსწავლეებს.

რეკომენდაციები ვიდეოს შესაქმნელად
ერთი ვიდეო ერთ თემას უნდა ასახავდეს. 5-10 წუთამდე.
ისაუბრეთ მხოლოდ თემის ირგვლივ
ისაუბრეთ უშუალოდ და ცოცხლად (Animate your voice)
იმუშავეთ კოლეგა-მასწავლებელთან ერთად
დაამატეთ ანოტაციები ვიდეოს
საკვანძო საკითხებზე ყურადღების გასამახვილებლად დაამატეთ ტექსტი, ფიგურა ან სხვა ობიექტი
გამოკვეთეთ ეკრანის ის ნაწილი, რომელიც მნიშვნელოვანია ყურადღების მისაპყრობად
პატივი ეცით საავტორო უფლებებს


დაფიქრდით

არის ვიდეო დასახული სასწავლო მიზნის მიღწევის საუკეთესო საშუალება???

ცუდი მიზეზები შსო-ს დასაწყებად

ფიქრობთ რომ 21-ე საუკუნის საკლასო ოთახს შექმნით

✓ ტექნოლოგია პედაგოგიკაზე უნდა იყოს მორგებული და არა პირიქით


ფიქრობთ რომ უახლესი ტექნოლოგიის გამოყენებაში ინოვატორი იქნებით

✓ შსო სულაც არ გულისხმობს უახლესი ტექნოლოგიის გამოყენებას


ფიქრობთ რომ შსო ხელს გიშლით იყოთ კარგი მასწავლებელი

✓ სწავლება უფრო მეტი რამაა ვიდრე უბრალოდ კარგი კონტენტის გადაცემა


ფიქრობთ რომ თქვენი საქმე უფრო გამარტივდება

✓შსო თქვენს საქმიანობას არ გაამარტივებს


როგორ უნდა დაინერგოს შსო


მოსწავლეების ინფორმირება: შებრუნებული საკლასო ოთახის იმპლემენტაციას მოსწავლეებისთვის ამ მოდელის გაცნობით იწყებენ. განიხილავენ რამდენად მნიშვნელოვანია, რომ მოსწავლეებმა პასუხისმგებლობა აიღონ საკუთარ სწავლაზე. შესაძლებელია, მოკლე ვიდეოს აყურებინონ მოსწავლეებს, სადაც ეს მოდელია ახსნილი. ვიდეოში მოსწავლეებიც არიან გადაღებული, რომლებიც თავის თანატოლებს უხსნიან რა უნდა გააკეთონ შებრუნებული საკლასო ოთახის მოდელში წარმატების მისაღწევად.
მასწავლებელი მოსწავლეებს ასწავლის ვიდეოს ეფექტურ ყურებას. თავიდან რამდენიმე ვიდეოს ერთად უყურებენ კლასში. მასწავლებელი დაპაუზება-გადახვევის ღილაკებს იყენებს ძირითადი საკითხების გამოსაყოფად/გასააზრებლად. რაღაც ეტაპზე მოსწავლეს აძლევს საშუალებას ვიდეოფაილი თავად მართოს. შემდეგ განიხილავენ რამდენად მოსახერხებელი იქნებოდა, რომ მოსწავლეებს თავად ჰქონოდათ პაუზისა და გადახვევის ღილაკის კონტროლის საშუალება, უფრო მეტიც საკუთარი სწავლის კონტროლის საშუალება. ასწავლიან ჩანაწერების გაკეთებას: ძირითადი საკითხების ჩანიშვნას, კითხვების დასმას და შესწავლილი მასალის შეჯამებას.
იმისათვის რომ მასწავლებელმა გააკონტროლოს ნამდვილად უყურა თუ არა მოსწავლემ ვიდეოს, სხვადასხვა საშუალება არსებობს: მაგ., მასწავლებელი ავალებს მოსწავლეს ერთი საინტერესო კითხვა დასვას ვიდეოსთან დაკავშირებულ საკითხზე, რომელზე პასუხიც არ არის ვიდეოში. გაკვეთილზე მოსწავლეები ერთმანეთს უსვავენ ამ კითხვას ინდივიდუალურად ან მცირე ჯგუფებში. შესაძლოა მასწავლებელმაც არ იცოდეს, და ერთად უნდა მოძებნონ პასუხი.
ამ კითხვებით მასწავლებელს ასევე შეუძლია შეაფასოს მის მიერ მომზადებული ვიდეო, თუ ბევრმა მოსწავლემ დასვა ერთი და იგივე შეკითხვა, ესე იგი მოსწავლემ არასათანადოდ ახსნა ეს საკთხი და ვიდე საჭიროებს კორექტირებას.
სკოლის ინფორმირება: სკოლაში ახალი კულტურის დამკვიდრებას რამდენიმე წელი სჭირდება. პირველი წელი როგორც წესი რთულია. მეორე წელს მიმდინარეობს პრაქტიკის კორექტირება. მესამე წელს უკვე რეალურად ხდება სკოლის კულტურის ნაწილი.
დიდი მნიშვნელობა აქვს კოლეგებთან თანამშრომლობას. სასურველია თუ ერთად ჩაწერენ ვიდეოებს, განსაკუთრებით საწყის ეტაპზე. შესაძლოა მასალა გაინაწილონ მასწავლებლებმა, ვიდეოები ჩაწერონ და შემდეგ ერთმანეთს გაუზიარონ.
მშობლების ინფორმირება: აუცილებელია მშობლების ინფორმირება, რომ მასწავლებელი შებრუნებულ საკლასო ოთახის მოდელს გამოიყენებს ბავშვებთან.

რეკომენდაციები


თავდაპირველად უმჯობესია, მასწავლებელმა არსებული (სხვების მიერ მომზადებული), ან მის მიერ უკვე მომზადებული რესურსები გამოიყენოს (საპრეზენტაციო ფაილი, ტექსტურ რედაქტორში მომზადებული მასალა და ა.შ.), მისი საშუალებით ჩაიწეროს ვიდეო.

ის მასწავლებლები, რომლებიც შებრუნებული საკლასო ოთახის მეთოდს იყენებენ, აღიარებენ რომ თავიდან, როდესაც ამ მეთოდზე გადაერთნენ, ყველაფერზე ვიდეოს წერდნენ, რაზეც კი ლექცია უნდა ჩაეტარებინათ. შემდეგ შეცდომას მიხვდნენ, და დაიწყეს ვიდეობის გამოხშირვა, რომლებიც არ იყო საჭირო ან არაეფექტური იყო.

- შებრუნებული საკლასო ოთახი არ ნიშნავს მაინცდამაინც ვიდეოების გამოყენებას. ამ მეთოდოლოგიის მთავარი მახასიათებელი არის ის, რომ ცენტრი მასწავლებლიდან მოსწავლეზე და სწავლაზეა გადატანილი.

ამ მეთოდით მუშაობის დაწყების წინ მასწავლებელმა უნდა უპასუხოს კითხვას: რომელია ისეთი აქტივობა, რომელიც ჩემ ფიზიკურ ყოფნას არ მოითხოვს და შემიძლია საკლასო დროის გარეთ გავიტანო? გაითვალისწინეთ, რომ შსო ერთ-ერთი ინსტრუმენტია ამის მისაღწევად და არა ერთადერთი.
იმისათვის რომ დარწმუნდეთ ყველა მოსწავლემ უყურა თუ არა ვიდეოს, სთხოვეთ მოსწავლეებს: ჩანაწერები გააკეთონ (ფურცელზე ან ელ-ფოსტაზე მოგწერონ, ბლოგზე ატვირთონ), დაწერონ ერთი შეკითხვა ვიდეოში მოცემულ თემაზე, Google forms-ში მასწავლებლის მიერ შედგენილი კითხვარი შეავსონ, ბლოგზე დაწერონ რეფლექსია და ა.შ.

იმ მოსწავლეებს, რომლებმაც სახლში არ უყურეს ვიდეოს კლასში მიეცით დრო. ასეთ შემთხვევებში ეს მოსწავლეები დავალებებს სახლში აკეთებენ, ისევე როგორც ტრადიციულ მოდელში. ბავშვები ძალიან მალე ხვდებიან, რომ მათთვისვე უმჯობესია სახლში უყურონ ვიდეოს და კლასში ინტერაქტიურ სავარჯიშოებში ჩაერთონ თანაკლასელებთან ერთად J

ერთი ვიდეო მხოლოდ ერთ საკითხს დაუთმეთ. ვიდეოს ხანგრძლივობა არ უნდა აღემატებოდეს 10-15 წთ-ს. 5 წუთიანი ვიდეო უმჯობესია.

ვიდეობის სახლში ყურებას დაახლოებით იგივე დრო სჭირდება მოსწავლეებისგან, რამდენიც დავალების შესრულებას. გაითვალისწინეთ ეს სახლში დავალების მიცემისას.

აუცილებლად გააცანით მშობლებს შსო-ს მოდელი, სანამ მის დანერგვას დაიწყებთ.

უმჯობესია თუ ვიდეოს წყვილში მოამზადებთ კოლეგასთან ერთად. უფრო საუბრის ხასიათს ატარებს ასეთი ვიდეო, და მოსწავლეებს მოსწონთ.

რა უნდა გააკეთოს მასწავლებელმა გამოთავისუფლებულ საკლასო დროში? ქვემოთ მოცემულია რამდენიმე იდეა:

- უცხო ენის მასწავლებლები ვიდეოს იწერენ გრამატიკის საკითხებზე და სასაუბრო ფრაზებზე. გაკვეთილზე დროს იყენებენ საუბრისთვის, ლიტერატურის წაკითხვისთვს, წერისთვის და ა.შ.

- მათემატიკის მასწავლებლებს მეტი დრო რჩებათ მათემატიკური ცნებების ღრმა ანალიზისთვის.

- სოციალური მეცნიერებები დროს იყენებენ დოკუმენტის ანალიზისთვის, დისკუსიისთვის, ანალიზისთვის, წერისთვის და შემდეგ განხილვისთვის.

- ფიზკულტურის მასწავლებელი ვიდეოთი იწერენ თამაშის წესებს და ტექნიკას, რომ მეტი დრო დაუთმონ თავად თამაშს ან ვარჯიშს.

- პროექტზე-დაფუძნებული სწავლებისას მასწავლებელი ვიდეოს უმზადებს მოსწავლეებს იმ თემაზე რაც სჭირდებათ პროექტისთვის. მაგ. მათემატიკური ფუნქცია ვისაც სჭირდება მათ აძლევთ ვიდეოს საყურებლად, იმის მაგივრად რომ ყველა მოსწავლის (სჭირდება თუ არა მას) დრო დახარჯოს ამ ფუნქციის ახსნაზე.

თითოეულ სასწავლო ერთეულზე (მაგ. ატომური თეორია), მასწავლებელი ამუშავებს გაიდს, სადაც ჩამოწერილია სასწავლო მიზნები. უთითებს რესურსებს: ვიდეო, სახელმძღვანელოდან თავი, ინტერნეტის რესურსი. სასწავლო აქტივობები, ლაბორატორიული აქტივობები. მოსწავლეებსაც ეხმარება და აძლევს ზოგად ჩარჩოს და აქტივოებების ჩამონათვალს, რომ სასწავლო მიზანს მიაღწიონ.

ყველა მოსწავლესთვის საუკეთესო ვარიანტი არაა ვიდეოდან სწავლა, ინფორმაციის მიღების მრავალფეროვანი საშუალება რომ ჰქონდეთ, მასწავლებელი ალტერნატივებს სთავაზობს: ვიდეო, სახელმძღვანელო... მასწავლებელი თხოვს მოსწავლეებს სურვილის მიხედვით უყურონ ვიდეოს, ან წაიკითხონ სახელმძღვანელო.

მოსწავლეებს სხვადასხვა გზით შეუძლიათ დაამტკიცონ (წარმოაჩინონ), რომ ფლობენ „სასწავლო მიზანს“: ტესტები თემის ბოლოს, დისკუსიაში მონაწილეობა, პრეზენტაცია, მოკლე ვიდეო, ესე, მოსწავლეების მიერ შეთავაზებული სხვა მეთოდი (ერთმა მოსწავლემ თამაში შექმნა და წარმოადგინა).


სელმან ხანი ვირტუალური სკოლის - ხანის აკადემიის - შესახებ "მოდი, გამოვიყენოთ ვიდეო განათლების სისტემის ტრანსფორმირებისთვის"

შუგატა მიტრა ტექნოლოგიებისა და "ღრუბლებში" სწავლის (cloud computing) შესახებ "ავაშენოთ სკოლები ღრუბლებში"

კენ რობინსი განათლების სისტემის თანამედროვე გამოწვევების შესახებ "როგორ კლავენ სკოლები შემოქმედებითობას"